話說，今日阿女姐爸會去睇「寶玉，你好！」娘親睇完好中意，「吩咐」阿女姐爸入去Feel下個結界。
娘親：喂！阿同事！我相公今日嚟睇呀！
大會抓牙： 太好了。唔知佢會睇到D咩嘢呢？（懶有禮貌）
娘親：你哋可摸耳呢，佢入場之後封佢喺個結界度，唔好畀佢出番嚟呀？
大會抓牙：我哋點會捨得封住佢呢，梗你放佢番出嚟，畀你慢慢嘆啦。
娘親： 唔好客氣啦，咁多人入去個黑洞，唔見一兩件唔覺嘅⋯⋯
大會抓牙：我哋收你幾舊水一張飛咋，整Video同Livefeed都好Muun水，唔夠Budget整結界呀。
娘親：喂如果呢，我相公喺漆黑當中攬住條女，你記住幫我影低D罪證呀。
大會抓牙： 咁如果攬住條仔呢？
娘親： 咁你記住叫晒D同事一齊睇，益下街坊。
大會抓牙： 唔會啦，個場全部人都識，唔會帶外遇嚟啦。
娘親： Er......( 突然唔肯定相公的判斷力）
大會抓牙： ⋯⋯不如你同佢講聲先啦。
（全劇完）
Search